Pulmonologiya cəmiyyətinin təşkilatçılığı ilə keçirilən “Astma Məktəbi” simpoziumu Bronxial astma sahəsində bilik və praktik bacarıqların artırılmasına həsr olunub. Təlim çərçivəsində astmanın müasir diaqnostikası, mərhələli müalicə yanaşmaları, inhalyator texnikası və xəstələrin uzunmüddətli izlənməsi mövzuları ətraflı şəkildə müzakirə edilib.
Proqram zamanı beynəlxalq GINA tövsiyələri əsasında klinik yanaşmalar təqdim olunub, real xəstə halları üzərindən interaktiv müzakirələr aparılıb. Xüsusilə inhalyator istifadəsində düzgün texnikanın əhəmiyyəti və xəstə maarifləndirilməsinin müalicə effektivliyinə təsiri vurğulanıb.